حوزہ نیوز ایجنسی کی رپورٹ کے مطابق، کراچی پاکستان میں حرم حضرت عباس علیہ السّلام کی جانب سے منعقدہ چار روزہ علمی و تربیتی فیسٹیول "فاطمہ سبیلِ نجات" سلام اللہ علیہا میں، تیسرا دن ایک ایسا موقع تھا، جس میں میرا علم، میری پہچان کے نام سے ایک اہم پروگرام منعقد ہوا۔
یہ وہ تقریب تھی جس میں ایک ہزار گریجویٹ طالبات کو خاص طور پر مدعو کیا گیا تھا؛ ہر طالبہ کی آنکھ میں وقار تھا اور ہر دل میں اپنے ایمان و عفت کا عہد روشن تھا۔
اس تقریب میں طالبات نے جناب سیّدة فاطمہ زہراء سلام اللہ علیہا اور جناب عباسِ علمدار علیہ السلام کی بارگاہ میں اپنی نماز اور حجاب کی پابندی کا پختہ عہد کیا؛ یہ عہد محض الفاظ نہیں تھا، بلکہ عزم و یقین کا حسین وعدہ تھا، ایک ایسا عہد جس نے ہر دل کو روشنی سے بھر دیا۔
ایک خوبصورت نظم و ضبط، ایک مضبوط عزم، ہر طالبہ نے سرِ تسلیم خم کیا، ہر دل نے اپنے ایمان کو بلند کیا اور ہر آنکھ میں اس وعدے کی چمک تھی کہ نماز اور حجاب — میری پہچان، میری شان۔
08:33 - 2025/12/16
آپ کا تبصرہ